---
title: "തിരുവനന്തപുരത്തു നിന്നും ഇരിട്ടിയിലേക്ക് വരികയായിരുന്ന  ടൂറിസ്റ്റ് ബസ് മറിഞ്ഞ് അപകടം ; ഇരിട്ടി സ്വദേശിനിക്ക് ദാരുണാന്ത്യം, പതിനെട്ട് പേർക്ക് പരിക്ക്"
english_title: "Tourist bus coming from Thiruvananthapuram to Iritty overturns; Iritty native dies tragically, eighteen injured"
publisher: "panoornews.in"
canonical_url: "https://panoor.truevisionnews.com/news/322748/Tourist bus coming from Thiruvananthapuram to Iritty overturns; Iritty native dies tragically, eighteen injured"
published_at: "2025-10-27T09:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68feea65e321b_1000953630.jpg"
keywords: []
---

# തിരുവനന്തപുരത്തു നിന്നും ഇരിട്ടിയിലേക്ക് വരികയായിരുന്ന  ടൂറിസ്റ്റ് ബസ് മറിഞ്ഞ് അപകടം ; ഇരിട്ടി സ്വദേശിനിക്ക് ദാരുണാന്ത്യം, പതിനെട്ട് പേർക്ക് പരിക്ക്

> **Lead Summary:** കോട്ടയം കുറുവിലങ്ങാട് എംസി റോഡിൽ ടൂറിസ്റ്റ് ബസ് മറിഞ്ഞ് അപകടം. സംഭവത്തിൽ ഒരാൾ മരിച്ചു. കണ്ണൂർ ഇരിട്ടി സ്വദേശിയായ സിന്ധു ആണ് മരിച്ചത്. പതിനെട്ട് യാത്രക്കാർക്ക് പരിക്കേറ്റിട്ടുണ്ട്. ചീങ്കല്ലയിൽ പള്ളിക്ക് സമീപത്താണ് അപകടം ഉണ്ടായത്. തിരുവനന്തപുരത്ത് നിന്ന് ഇരിട്ടിയിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്.

## Article Content

കോട്ടയം കുറുവിലങ്ങാട് എംസി റോഡിൽ ടൂറിസ്റ്റ് ബസ് മറിഞ്ഞ് അപകടം. സംഭവത്തിൽ ഒരാൾ മരിച്ചു. കണ്ണൂർ ഇരിട്ടി സ്വദേശിയായ സിന്ധു ആണ് മരിച്ചത്. പതിനെട്ട് യാത്രക്കാർക്ക് പരിക്കേറ്റിട്ടുണ്ട്. ചീങ്കല്ലയിൽ പള്ളിക്ക് സമീപത്താണ് അപകടം ഉണ്ടായത്. തിരുവനന്തപുരത്ത് നിന്ന് ഇരിട്ടിയിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്.

പുലർച്ചെ 2 മണിയോട് കൂടിയാണ് അപകടം ഉണ്ടായത്. കണ്ണൂർ ഇരിട്ടി സ്വദേശികളാണ് ബസിലുണ്ടായിരുന്നത്. ചീങ്കല്ലയിൽ പള്ളിക്ക് സമീപമുള്ള വളവ് കടക്കുന്നതിനിടെ വാഹനം നിയന്ത്രണം വിട്ട് മറിയുകയായിരുന്നു. 49 പേർ ബസിലുണ്ടായിരുന്നു. ഇതിൽ 18ഓളം പേർക്കാണ് പരിക്കേറ്റത്. ഇവരെ കോട്ടയം മെഡിക്കൽ ആശുപത്രിയിലും സമീപത്തെ സ്വകാര്യ ആശുപത്രിയിലുമായി പ്രവേശിപ്പിച്ചിട്ടുണ്ട്.

### Related Links & Sources
- [Original Story Source](https://panoor.truevisionnews.com/news/322748/Tourist bus coming from Thiruvananthapuram to Iritty overturns; Iritty native dies tragically, eighteen injured)